Algengar spurningar

Hérna geturðu séð svör við algengustu spurningum sem við fáum.
Ef þú hefur aðrar spurningar eða þarft ítarlegri svör hafðu þá
samband í gegnum formið hér fyrir neðan.

Einstaklingar

Hvenær þarf ég að borga fyrir vöruna?

Þú hefur 14 daga til þess að borga. Reikningur birtist í netbankanum þínum. Þú sérð yfirlit yfir stöðu reikninga þegar þú innskráir þig inn á heimasíðu okkar.

Hvenær fæ ég reikninginn?

Reikningurinn birtist í netbanka þínum fljótlega eftir að þú staðfestir kaup á vöru.

Hversu langur tími líður þangað til að þið sjáið að ég hef greitt?

Það tekur yfirleitt aðeins nokkrar mínútur fyrir okkur að sjá að greiðsla hefur borist. Ef greitt er eftir klukkan 21:00 merkist reikningurinn ekki greiddur fyrr en næsta dag.

Get ég notað þjónustuna þó að ég sé með ógreiddan reikning?

Þú getur alltaf nýtt þér heimildina þína svo lengi sem reikningurinn er ekki kominn í alvarleg vanskil.

Hvernig virka raðgreiðslur Netgíró

Raðgreiðslur er einföld lausn sem gerir viðskiptavinum Netgíró mögulegt að dreifa greiðslum vegna stærri innkaupa í allt að 24 mánuði. Lægsta fjárhæð sem hægt er að dreifa er 9.900 kr. og mögulegt er að skipta henni á tvo gjalddaga. Allar nánari upplýsingar má finna hér.

Hvernig hækka ég heimildina mína

Ef þú óskar eftir að fá hærri heimild getur þú haft samband við þjónustuver okkar í síma 430-0330 eða á netfang netgiro@netgiro.is

Hver er kostnaðurinn ef ég lendi í vanskilum?

Hér getur þú séð allan kostnað vegna frum- og milliinnheimtu. Smelltu hér.

Fyrirtæki

Hvaða ávinning fær fyrirtækið mitt með því að bjóða upp á Netgíró?

Með því að bjóða upp á fjölbreyttari greiðsluleiðir Netgíró getur þú aukið þjónustu og fjölgað viðskiptavinum sem kjósa kortalaus viðskipti með Netgíró. Þar sem Netgíró eykur öryggi neytenda og einfaldar kaupferli þeirra verða kaup auðveldari, reglulegri og ábyrgari en áður hefur þekkst. Það eykur sölu og áhuga á fyrirtækinu þínu.

Hvernig getur fyrirtækið mitt boðið upp á Netgíró?

Forsvarsmenn fyrirtækja, hvort sem er í verslun eða netverslun hafa samband við okkur eða skrá sig hér á heimasíðu Netgíró . Í framhaldi mun viðskiptastjóri hafa samband og kikja í heimsókn til þín. Hafðu samband núna í gegnum formið hér fyrir neðan.

Innleiðing og kostnaður við uppsetningu Netgíró í verslun og netverslun?

Við hjá Netgíró vinnum með úrvalsliði tækni- og kerfisfræðinga sem stýra allri innleiðingu hvort sem um er að ræða uppsetningu í verslun eða í netverslun. Einföld uppsetning Netgíró í verslun og í netverslun er án kostnaðar fyrir söluaðila.

Hvað tekur langan tíma að tengja Netgíró við verslun eða netverslun?

Einföld uppsetning á Netgíró í verslun frá undirritun samstarfssamnings tekur um það bil 10 mínútur með kennslu til starfsmanna. Uppsetning í netverslun tekur allt að 48 klst. Til að auðvelda enn frekar fyrir innleiðingu hefur Netgíró gert samning við flesta þjónustuaðila verslana og netverslana á Íslandi.

Hvernig get ég skoðað yfirlit reikninga og sölutölur?

Forsvarsmaður fyrirtækis fær sérstakan stjórnenda aðgang að öruggum þjónustusíðum Netgíró sem eru aðgengilegar í gegnum netinu. Þar er hægt að skoða nákvæmar upplýsingar um vörusölu og reikninga.

Hvaða þjónustuaðilum er Netgíró að vinna með?

Advania, SmartMedia, Apon, Hugsmiðjan, IO, MyCompany, Síðugerð, Dalpay, karfa.is, Netvistun, Körfukerfi.net, Netheimar, Davíð & Golíat, Allra átta, Notando, Premis, VK hugbúnaður, Stefna, Rue de Net, Outcome, Hype, Vettvangur, Overcast, Avista, Zolon, Xodus.is, WeDo, Reynd, Wise, DK, Hugbúnaður, MerkúrPoint, TM software.

Netgíró Lán

Hversu hátt lán er hægt að taka?

Netgíró Lán eru að lágmarki 50 þúsund krónur og að hámarki 1 milljón króna. Hámarksfjárhæð fer eftir lánshæfismati umsækjanda svo best er að skrá sig inn á umsóknarvefinn til að sjá hvað þú getur fengið hátt lán.

Get ég greitt lánið upp?

Já, vissulega. Þér er frjálst að greiða lánið upp hvenær sem er. Engin gjöld eru tekin fyrir uppgreiðslur. Hafðu samband við okkur í tölvupósti á netgiro@netgiro.is og láttu okkur vita og við klárum það með þér hratt og örugglega.

Í hvað má nota Netgíró Lán?

Þú mátt nota Netgíró Lán eins og þú vilt. Algengt er að nota slík lán til þess að endurfjármagna skuldir eða framkvæma það sem hefur setið á hakanum, eins og t.d. endurbætur á fasteigninni eða bílnum.

Hvað er lántökugjaldið hátt?

Lántökugjald vegna Netgíró Lána er 3,95%

Hvenær þarf ég að byrja að borga af láninu?

Fyrsti gjalddagi er fyrsta viðskiptadag næsta mánaðar eftir útborgun láns. Eftir það er greitt mánaðarlega af láninu.

Hvernig lán bjóðið þið upp á?

Við bjóðum upp á óverðtryggð lán frá þremur mánuðum til tveggja ára. Ekki er gerð krafa um veð eða ábyrgðarmenn þegar þú velur Netgíró Lán.

Hvernig borga ég af láninu?

Við sendum kröfu í heimabankann þinn um hver mánaðamót.

Þarf ég að vera með ábyrgðarmann eða veð til að geta fengið lán?

Hvorki er gerð krafa um ábyrgðarmenn né veð að baki lána.

Hvernig eru lánin greidd út?

Lánið er lagt inn á þann reikning sem lántaki tiltekur í umsóknarferlinu.

Á ég möguleika á láni ef ég er á vanskilaskrá?

Nei, þeir sem eru skráðir á vanskilaskrá geta ekki fengið lán hjá okkur.

Byrjaðu að nota Netgíró!

Það tekur enga stund að skrá sig.

Vantar þig aðstoð?

13 + 13 =

Hringdu í okkur

4 300 330

Opnunartímar Virkir dagar: 09:00-17:00 Helgar: Lokað